D Sälm 148
De Bibl auf Bairisch
1Hall ayn Luier! Lobtß önn Herrn von n Himml her, lobtß n eyn dyr Hoeh obn!

2Lobtß n, seine Engln all, lobtß n, seine Hörscharn!

3Lobtß n, Sunn, und, Maand, du aau, und de gantze Sternenwelt!

4Himmln allsand, preistß n aau, und ös Wässer drüber!

5Preisn sollnd s yn n Herrn seinn Nam, denn mit ainn Wort bschuef yr s.

6Allss gstöllt er auf eebig hin, gaab ien föste Gsötzer.

7Preistß önn Herrn, auf Erdn ös, Teuffnen zamt de Kunter,

8Feuer, Schauer, Nebl, Schnee, Sturmwind, wasst auf iem hoerst,

9aau ös Berg und Hugln all, Obstbaeum und de Zödern,

10wilde, zame Vicher all, Gwürm und aau ös Vögl,

11Erdnkünig, Völker all, Fürstn und ös Richter,

12Burschn ös und Mentscher aau, Alte mit de Jungen!

13Preisn sollnd s yn n Herrn seinn Nam! Sein Nam grad ist ruedig. Er straalt Erd und Himml aus.

14Sein Volk macht yr mächtig. S rüemt si drob sein Frummenschar, d Isryheeler alle, dös Volk, wo iem naahend ist. Laass myr halln aynn Luier!

Psalm 147
Top of Page
Top of Page